MIRROR演唱會補場座位編配離奇


之前發生咁大意外, 各大報紙都有報, 演唱會延期就算冇買飛果d都知咩事啦！


MIRROR演唱會補場座位編配離奇

紅館近台最貴飛 變亞博平地大後方

中價飛反而得近台靚位

退飛安排上埋《東張西望》變「某男團」

MakerVille今日即公佈再接受退票


MIRROR 明年1月亞博演唱會《MIRROR FEEL THE PASSION CONCERT TOUR 2024》前日公佈場次，翌日再宣佈補場換票詳情。持有去年《MIRROR.WE.ARE LIVE》紅館演唱會、並已辦妥換票手續人士，已陸續收到由Cityline發出之兌換門票電郵。


MakerVille 稱補場派位由 電腦系統 「盡量作出最佳安排」，方法是根據原有門票資料分析配對，又指若於同一票價範圍內，原有座位較接近舞台，「 #在合理安排下 」， #系統會盡量  於補場中安排較接近舞台的座位。重點是「合理」和「盡量」。


MakerVille續指，今次補場門票可獲upgrade，「毋須補差價」，如原定場次（即MIRROR紅館演唱會）票價$1,280持票人士，會被分配到$1,480票區；$880會分配到$1,080票區；$480被分配到$680。不過，今次MIRROR演唱會三種票價一律加$200，所以其實除了票價upgrade，座位沒有upgrade，反而downgrade。


【紅館近台最貴門票 被編往最遠Block C】

不少收到換票通知電郵的持票人紛紛在MakerVille社交平台留言，大部份關於座位編配問題。持有紅館演唱會$1,280（即最貴飛）門票人士，不少被分配平地後排、近panel的Block C；反而$880 獲編派到Block 2、3、15及16等最接近舞台的riser seating。


有留言表示：「紅館16-20視覺係好好，你派Block C，我睇人頭定手機？由《造星1》支持MIRROR到而家，未有一刻好似今次咁想脫粉。」「 #黃色C區係亞博最差最睇唔到台嘅位 ！而家要由原本$1,280（紅館最貴飛）好清楚睇到台嘅位，變成睇唔到台嘅黃色C區，真係接受唔到這種安排！」「原本紅館前3行嘅飛唔係配對係A區/紅區，咁你哋分晒啲飛去邊呀？」


【Block C位於平地最後排 睇人頭一流】

Block C位於panel位之前，與T台（substage）之間還被Block B阻隔，水平線望台，大部份時間只見到Block B觀眾頭頂及高舉的電話外，或者「夾縫中求存」，不少觀眾稱「連山頂位都不如」。


有留言怒道：「舞台側邊橙區（即$1,480樓梯位、近台位置）後面，竟然冇一兩行係黃，而係直接綠（$1,080），貴公司係咪傻㗎？有冇落過亞博睇演唱會㗎？」另紅館綠閘最近panel及VIP區，較多機會見到表演者正面，不少人表示由紅館綠閘被派到亞博半山位，座位「側過側田」。有fans持有紅館$880中價門票，被派到Block 9 Row Z，即山頂最後一行，鳥瞰整個場館。


MakerVille則表示，派位由電腦系統「根據原有門票資料進行分析，再符合各項特定條件，包括與舞台的距離、相連座位等因素， 從而配對最佳座位 。」但何以紅館第9行會被配到Block C 後排位置，第19行卻被派到近T台的Block B？有留言直指：「Block C 咁好， 做咩唔留起做貴賓區 /內部飛？」


【觀眾致電《東張西望》投訴】

MIRROR演唱會補場安排亦登上無綫《 東張西望 》，標題是「某男團」，佛地魔一樣。節目稱接獲多位fans投訴，大鬧主辦商做法離譜。有報料觀眾指買了MIRO特別場尾場最貴門票，「我一直好安心等佢哋電郵，我冇諗過要自己主動去主辦商嘅FB同IG去睇（退票及換票安排）。我追偶像，我可以follow偶像自己嘅官方社交平台，但我唔係必要follow埋佢哋公司㗎嘛！」


《東張西望》形容MakerVille「靜悄悄」安排退票換票手續，有報料觀眾批評MakerVille沒有主動以短訊或電郵通知每位持票人士，令他們錯過退票機會，「而家你唔畀人退票，話已經過咗時限，但你又將啲飛繼續賣畀其他人，變相同一個位收兩份錢。估唔到連我哋呢啲支持者血汗錢都要呃，而家唔畀退又唔畀補。」


《東張西望》表示曾向MakerVille查詢，未獲回覆。奇在今日MakerVille卻宣佈，稱未有於原定限期退票人士， 主辦單位將會再作出退票退款安排 ，詳情稍後公佈。有網民稱：「睇嚟《東張西望》有排忙。」